Thursday, November 24, 2011

Jay-Mausi (Sholay) - By Raman Bishnoi [koi perform karke dikhao yaar]



Mausi   : Arre Jay, bas itna samaz lo ek boyfriend ke sath ek ladki ki kitni der tak nibh sakti hai. Breakup se pehle Basanti ka new bf ban jaaye to chain ki saans loo.

Jay     : haa sach kaha Mausi aapne. bada mushkil hota hai breakup se new lover ke beech ka time.

Mausi   : Lekin Jay, is time ko koi aasani se paas to kar nhi sakta. Bura nahi maananaa , itanaa to poochhanaa hi padataa hai ke ladka Smart kitna hai, uski girl-friend kitni thi, manage kaise karta tha?

Jay     : Smartness ka to ye hai Mausi,..,ke ek baar girl-friend ban jaaye, ......baaki wo jaanu-jaanu keh ke usse smart dogi to bna hi degi.

Mausi   : To kya abhi bilkul smart nhi?

Jay     : Nahi nahi ye maine kba kahaa Mausi, Smart to hai lekin,... ab roj roj to aadmi girl-friend se sach bol nhi sakta na.. kabhi jhooth bhi bolna padta hai?

Mausi   : jhooth bolta padta hai?

Jay     : haan Mausi ab ye kambakht flirting cheej hi aisi hai ab mai kyaa kahoon ?

Mausi   : heynnnn. to kya flirting hai?

Jay     : chhi chhi chhi chhi Mausi, woh aur flirting na na. woh to ek dam temprary wala permanent doggy hai. Lekin Mausi, ek baar ankhein lad jaye na, purani nahi girl-friend ka kahaa hosh rahataa hai. ab koi sadak chalte line dene lag jaye to esmein bechare Veeru ka kya dosh?

Mausi   : Thik kahate ho Jay. jhootha ho flirting ho lekin, uska koi dosh nahi.

Jay     : Mausi aap to mere dost ko galat samaz rahi hai. woh to itanaa kanjoos aur mastermind ladka hai. aare Basanti ko veeru ke liye pta ke to dekhiye, free ke samose, movie dekhne ki aadat to do din mein chhot jaayegi.

Mausi   : Arre Jay, mujh Mufatkhoor ko samaza rahe ho. yeh free ke khaane ki aadat kisi ki chuti hai aaj tak.

Jay     : Mausi aap Veeru ko nahi jaanati , wishwaas kijiye wo es tarah kaa stud nahi hai. Ek baar girl-friend ban jaye to woh dating par jaana band kar degaa. bas, free mein khaane ki aadat apne aap chhoot jaayegi.

Mausi   : Hi hi, bas yehi ek kami raha gayi thi. to kya kisi ladkey ke ghar bhi aanaa jaanaa hai? 

Jay     : To isme kaunsi buri baat hai mausi. arre , aajkal to supreme court ne bhi eski ejjajat de di hai, haan. 

Mausi   : Achchha ! to beta ye bhi bataate jaao ki tumhare yeh gunwaan dost kis khet ki moli hai?

Jay     : Bas mausi, sabji ka pataa chalate hi ham aap ko khabar de denge.

Mausi   : Ek baat ki daad doongi beta. bhale sau Qualities hai tumhare dost me ,phir bhi tumhare munh se us ke liye sachayi hi nikalti hai.

Jay     : ab Kya karoo mausi.. mera to dil hi kuchh aisa hai.(pause)...To.. mai Basanti ko veeru ki gf samjhoo?

Mausi   : Girl-Friend? . bhale uska bf usko chhod jaaye. lekin mai aise aadami ko Basanti ka nahi khud ka bf banaougi. Mein bhi jawan hoon.... koi gujari hue kahani nahi.

Jay     : Ajeeb baat hai. mere itane samazaane par bhi aap ne Basanti ke liye mna kar diyaa.. Bechaaraa Veeru... naa jaane ab wo aapse kaise nibhayega?

No comments: